സാധാരണ ഇരുപത് മുതല് നാല്പത് വരെ പരീശീലന ക്ലാസുകളിൽ പങ്കെടുത്താല് മാത്രമാണ് ലൈസന്സ് ലഭിക്കുക. പുതിയ തീരുമാനത്തിലൂടെ ഈ ക്ലാസുകള് പങ്കെടുക്കേണ്ടതില്ല. എന്നാല് നാട്ടിലെ ലൈസൻസോടെ അപേക്ഷിക്കുകയും ദുബായിലെ റോഡ്, നോളജ് ടെസ്റ്റുകള് പൂര്ത്തിയാക്കുകയും ചെയ്താല് മാത്രമാണ് ലൈസന്സ് ലഭിക്കുക.
യുഎഇയുടെ ദീര്ഘകാല താമസ വിസയായ ഗോള്ഡന് വിസയ്ക്ക് മമ്മൂട്ടിയും മോഹന്ലാലും അര്ഹരായിരിക്കുന്നതായി കഴിഞ്ഞ ദിവസമാണ് പ്രഖ്യാപനമുണ്ടായത്. ആദ്യമായാണ് മലയാളത്തില് നിന്നുന്ന സിനിമാതാരങ്ങള്ക്ക് ഗോള്ഡന് വിസ ലഭിക്കുന്നത്. കലാരംഗത്തെ സംഭാവന കണക്കിലെടുത്താണ് ഇരുവര്ക്കും പത്തുവര്ഷത്തെ ഗോള്ഡന് വിസ നല്കുന്നത്.
സാധാരണ രണ്ടുവര്ഷത്തേക്കാണ് യുഎഇ വിസ അനുവദിക്കാറുളളത്. രണ്ടുവര്ഷം കൂടുമ്പോള് പുതുക്കുന്ന എംപ്ലോയ്മെന്റ് വിസയ്ക്കുപകരം 10 വര്ഷത്തേക്ക് വിസ അനുവദിക്കുന്നതാണ് ഗോള്ഡന് വിസ. ദീര്ഘകാല റസിഡന്്റ വിസ പദ്ധതി 2018-ലാണ് യുഎഇ ആരംഭിച്ചത്.